Казанлылар метрода күбрәк ачкычлар, перчаткалар, колакчыннар, күзлекләр һәм уенчыклар онытып калдыралар

Пассажирлар поезд вагондарында яки перронда үз әйберләрен күбрәк җомга көнне оныта икән.

Фото: Денис Гордийко

(Казан шәһәре KZN.RU, 12 нче апрель). «Метроэлектротранс» Казан халкы һәм кунаклары поезд вагоннарында яки перронда иң еш оныта торган әйберләрне атады. Статистика буенча, гадәттә пассажирлар әйберләрен җомга көнне югалталар, дип хәбәр итә предприятиенең матбугат хезмәте.

Югалган әйберләр арасында лидерлар булып ачкычлар, зонтиклар, перчаткалар, сумкалар, пакетлар, колакчыннар, күзлекләр, баш киеме һәм уенчыклар тора. Пассажирлар шулай ук транспортта документлар, банк һәм транспорт карталары, юл билетлары, акча янчыклары, кәрәзле телефоннар калдыра.

Әгәр дә сез кемдер оныткан әйберләрне тапсагыз, станция дежурныена мөрәҗәгать итәргә кирәк. Аларны шулай ук полиция хезмәткәренә яки тикшерү инспекторына тапшырырга мөмкин. Барлык табылган әйберләр онытылып калган станцияләрендә саклана.

Поездда яки метро станциясендә әйберләр яки документлар югалган очракта түбәндәге кайнар линия телефоны буенча мөрәҗәгать итәргә кирәк: +7 (843)533-70-61.

Шулай ук укыгыз

Барлык яңалыклар