Казанлыларга торак-коммуналь хуҗалык мәсьәләләре буенча консультация бирәчәкләр

Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең ТР буенча идарәсе белгечләре ачык ишекләр көне үткәрәчәк.

(Казан шәһәре KZN.RU, 12-нче март). 13-нче мартта Казанда торак-коммуналь хуҗалык мәсьәләләре буенча шәһәрлеләргә консультация бирәчәкләр. Халыкның сорауларына Кулланучылар хокукларын яклау һәм кеше иминлеге өлкәләрендә күзәтчелек федераль хезмәтенең ТР буенча идарәсе белгечләре җавап бирәчәк.

Консультация ачык ишекләр көне кысаларында республиканың торак-коммуналь хуҗалыгы өлкәсендә төбәк иҗтимагый контроль үзәгендә узачак.

Чара 10.00 сәгатьтә түбәндәге адрес буенча башлана: Лобачевский ур., 10в, 4-нче подъезд, дип хәбәр итә Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең ТР буенча матбугат хезмәте.

Шулай ук укыгыз

Барлык яңалыклар