Казанлыларны җылыту приборларын саклык белән кулланырга өндиләр

Электр, газ һәм мич җиһазлары аерым игътибарлылык таләп итә.

Фото: Казан шәһәре KZN.RU

(Казан шәһәре KZN.RU, 13-нче гыйнвар). Россия Гражданнар оборонасы эшләре, гадәттән тыш хәлләр һәм бәла-каза нәтиҗәләрен бетерү министрлыгының ТР буенча Баш идарәсе Татарстан халкын газ, электр һәм мич җиһазларын эксплуатацияләгәндә янгын куркынычсызлыгы кагыйдәләрен үтәргә чакыра.

Газ приборларын кулланганда җиһазларны урнаштыруга һәм ремонтлауга бары тик белгечләргә генә ышанырга кирәклеген истә тотарга кирәк. Газ җайланмаларын контрольдә тоту һәм көйләү приборлары төзек булмаган яки сүндерелгән хәлдә кулланырга ярамый, шулай ук алар булмаганда. Җиһаз, янучан предметлар һәм төрле материаллар көнкүреш газ приборларыннан 20 см ераклыкта булырга тиеш. Шулай ук газ казаннарында һәм газ плитәләре өстендә янучан материалларны киптерергә һәм йортларда газ баллоннары сакларга ярамый.

Газ исен тойган очракта, беркайчан утны һәм электр приборларын кабызырга яки сүндерергә ярамый. Фатирда газүткәргечтәге газ кранын ябарга, конфоркларның сүнгәнме-юкмы икәнен тикшерергә, тәрәзәләрне һәм ишекләрне ачарга кирәк. Әгәр дә газ исе бетмәсә, күршеләрне куркыныч турында кисәтеп, бинадан чыгып китәргә, һәм урамнан «04» телефоны буенча газ хезмәтен чакыртырга кирәк.

Электр җылыткычларын эксплуатацияләгәндә, аларның да, башка техниканыкы кебек үк (телевизор, музыка үзәге һәм башкалар), «Көтү режимы» (яктыртучы фотодиод) – янгын куркынычы режимы булуын истә тотарга кирәк.

Электр җылыту приборларын җылыту батареяларына, штораларга, җиһазларга якын куярга кирәкми.

Шулай ук белгечләр, бер үк вакытта берничә куәтле приборны да кушып, электр челтәрен йөкләтергә киңәш итми. Розеткага керү максималь ирекле һәм кайнар приборны тиз арада сүндереп куяр өчен куркынычсыз булырга тиеш.

Мич җиһазларын кулланганда шулай ук барлык куркынычсызлык чараларын да үтәргә кирәк. Аерым алганда, өч айга бер тапкыр корымнан төтенне чистарту буенча профилактик эшләр башкарырга, мичләрне артык кыздырмаска, бензин, керосин һәм башка җиңел янып китүче сыеклыкларны яндырып җибәрү өчен кулланмаска, дип хәбәр итә Россия Гадәттән тыш хәлләр министрлыгының ТР буенча Баш идарәсе матбугат хезмәте.

Искәртеп узабыз, Казанда узган төндә һава температурасы 29,1 градустан 32,7 градуска кадәр тәшкил итте. Республика салкын арктик антициклон йогынтысында.

Шулай ук укыгыз

Барлык яңалыклар