Казан халкын табигатьне саклау темасына багышланган яшьләр видеороликлары конкурсында катнашырга чакыралар

Конкурста катнашучыларның барысы да электрон сертификатлар алачак, җиңүчеләрне кыйммәтле бүләкләр белән бүләкләячәкләр.

(Казан шәһәре KZN.RU, 13-нче март). 1-нче апрельдән Татарстанда табигатьне саклау темасына республикакүләм яшьләр социаль видеороликлар конкурсы башлана. Бәйгегә 14 яшьтән 35 яшькә кадәрге барлык теләге булган кешеләр дә кушыла ала.

Конкурс роликларның озынлыгына карап конкурс берничә номинациядә узачак: 1 минутка кадәрге, 3 минутка кадәрге һәм 3 минуттан узып киткән видеороликлар. Конкурста катнашучыларның барысы да электрон сертификатлар алачак, җиңүчеләрне кыйммәтле бүләкләр белән бүләкләячәкләр.

Катнашу өчен яшьләр хәрәкәтенең «Будет чисто» социаль челтәрләренә язылырга һәм видеороликларны, хатта «Социаль видеороликлар конкурсы» дип тема билгеләп, budetchisto.tatar@gmail.ru электрон почтасы адресына җибәрергә кирәк, дип хәбәр итә ТР Экология һәм табигый ресурслар министрлыгының матбугат хезмәте.

Шулай ук укыгыз

Барлык яңалыклар