Казанлыларны "Черек күл" паркында Студентлар көнен билгеләп үтәргә чакыралар

Казанлыларны "Черек күл" паркында Студентлар көнен билгеләп үтәргә чакыралар

<p> (Казан шәһәре KZN.RU, 24-нче гыйнвар). Парклар һәм скверлар дирекциясе казанлыларны “Черек күл" паркында Студентлар көнен бәйрәм итәргә чакыра. Югары уку йортлары һәм урта махсус уку йортлары укучыларын, шулай ук Татьяналарны ташламалар көтә.<br> </p> <p> 25 гыйнварда 19.00 сәгатьтән 21.00 сәгатькә кадәр шугалакта “Изолента” берләшмәсеннән матур кичә узачак. Музыкаль программаны махсус кунаклар - DJ Руслан Чижов һәм DJ Гужбан әзерләде. </p> <p> Татьяна исемле барлык студентлар һәм кунаклар өчен көн дәвамында тимераякларны арендалау сәгатенә 50 сум булачак. Моның өчен студентлар паспортын, ә Татьяналарга паспорт күрсәтү дә җитә. </p> <p> Исегезгә төшерәбез, паркта шугалак көн саен эшли: дүшәмбедән җомгага кадәр – 13.00 сәгатьтән 22.00 сәгатькә кадәр, шимбә, якшәмбе һәм бәйрәм ял көннәре – 10.00 сәгатьтән 22.00 сәгатькә кадәр. Техник тәнәфес – 15.00 сәгатьтән 16.00 сәгатькә кадәр. Тимераяклар бирү 21.00 сәгатькә кадәр башкарыла. Җәдвәл һава шартларына карап үзгәрергә мөмкин, төгәл мәгълүматны 215-74-00 һәм 239-44 телефоны буенча, шулай ук Парклар һәм скверлар дирекциясенең социаль челтәрләрдәге рәсми аккаунтында белергә була. </p>

2019-01-24T15:16:00+0300