Казанлыларны Кремль яр буенда Май чабу бәйрәмен билгеләп үтәргә чакыралар

Бәйрәм программасында - ансамбльләр чыгышы, интерактив уеннар, бүләкләр белән бәйгеләр.

(Казан шәһәре KZN.RU, 6-нчы март). 10 мартта Казанның Кремль яр буенда Май чабу бәйрәме күңел ачу чаралары узачак. Кунакларны кызыклы бәйрәм программасы, мастер-класслар, бәхетле коймаклар әзерләү һәм Масленица карачкысын яндыру көтә.

Май чабу бәйрәме Кремль яр буеның төрле мәйданчыкларында узачак. Төп сәхнәдә пирста рус халык җырлары һәм биюләре белән артистлар чыгышы, призлар белән мавыктыргыч бәйгеләр узачак. Шулай ук пирста бәйгеләр белән интерактив зоналар оештырылачак, анда катнашкан өчен Кремль яр буеннан бүләкләр алырга мөмкин булачак.

Май чабу бәйрәме вакытында теләгән һәркем уенчыклар һәм кул эшләнмәләре ясау буенча бушлай мастер-класска бара алачак.

Шул ук көнне яр буенда туклыклы ризыклар, тәмле коймак һәм кайнар эчемлекләр белән дә сыйланып булачак. Барлык теләүчеләрнең дә бәхетле коймак әзерләү һәм теләк теләү мөмкинлеге булачак.

Бәйрәм 13.00 сәгатьтә башлана, Май чабу карачкысын яндыру 16.00 сәгатькә планлаштырылган, дип хәбәр итә Кремль яр буен үстерү һәм маркетинг бүлеге.

Шулай ук укыгыз

Барлык яңалыклар