Казанлыларны Илья Авербух тарафыннан оештырыла торган кышкы фестивальгә чакыралар

Казанлыларны Илья Авербух тарафыннан оештырыла торган кышкы фестивальгә чакыралар

<div class="detail-picture"> <img src="https://kzn.ru/upload/iblock/e49/e4917f2351337c497dfa1d870d1ccb50.jpg"> <p class="detail-picture__caption"> Денис Гордийко фотосы </p> </div> <p> Бу атнаның җомга көнендә, 16 гыйнварда, «Черек күл» паркындагы төп шәһәр шугалагында Илья Авербух тарафыннан оештырыла торган Winter Fest кышкы фестивале уза. Чара кунаклары фигуралы шуу буенча остаханәләрдә катнаша, бозда фигуралы шуу буенча Россия йолдызлары чыгышын карый, кайнар чәй белән җылына, шулай ук чара партнерыннан истәлекле бүләкләр уйнатуда катнаша ала. </p> <p> Бәйрәм программасы 12:00 сәгатьтә Альфа-зона эшеннән башлана: кунаклар өчен кайнар эчемлекләр, актив уеннар һәм бүләкләр әзерләнә. 15:00 сәгатьтә шугалакта фигуралы шуу буенча ачык остаханә оештырыла. Аны Олимпия уеннарының көмеш призеры, дөнья, Европа һәм Россия чемпионы Илья Авербух үткәрә. Катнашучылар җылыну күнегүләрен ясап, төп элементларны өйрәнә һәм танылган фигурист белән бергә шуа ала. </p> <p> Кичке сәгать 19:00 дә башланачак боз тамашасы көннең кульминациясе булачак. Бозга фигуралы шуу йолдызлары Алексей Ягудин, Татьяна Тотьмянина һәм Максим Маринин, Албена Денкова һәм Максим Ставиский, Артем Ковалев, Ксения Синицына, Матвей Ветлугин, Мария Голубева һәм Алексей Усков, Андрей Ежлов һәм Софья Шевченко, шулай ук Казанның фигуралы шуу осталары чыгачак, дип хәбәр итә Парклар һәм скверлар дирекциясе матбугат хезмәте. </p> <p> Тамашачылар чараны бушлай карый ала. </p>

2026-01-12T17:05:39+0300