Казанлыларны үз-үзеңне кайгырту көнендә катнашырга чакыралар

Халыкара медитация көне алдыннан белгечләр аңлылык һәм тән интеллекты үсеше өлкәсендә иң яхшы тәҗрибәләр белән уртаклашачаклар.

(Казан шәһәре KZN.RU, 10-нчы июль). 14-нче июльдә казанлыларны Горки-Әмәт урманында урнашкан Cube контейнер үзәгенә үз-үзләрен кайгырту көнен үткәрергә чакыралар. Халыкара медитация көне алдыннан Татарстан башкаласыннан, шулай ук Мәскәүдән һәм Владимирдан килгән белгечләр көн саен файдалану өчен аңлылык һәм тән интеллекты үсеше өлкәсендә иң яхшы тәҗрибәләр күрсәтәчәкләр.

Үз-үзеңне кайгырту көне программасына ачык лекцияләр, медитацион техника, стресс дәрәҗәсен җайга салу буенча тәҗрибәләр, тән интеллекты үсеше буенча экспериментлар, игътибарлы йөрү, иҗади тәҗрибәләр, шулай ук фудкортта тәмле ризыклар һәм фикердәшләр белән аралашу керә.

Чара 9.00 сәгатьтә сәламләү чәй табыны белән башланачак. Көннең тулы программасын оештыручылар сайтында табарга мөмкин, анда шулай ук теркәлү узарга кирәк булачак. Чараларда катнашу бушлай.

Шулай ук укыгыз

Барлык яңалыклар