Казанлыларны Фабрицио Консоли һәм Якопо Маццаның хәйрия концертына чакыралар

Хәйрия концерты авыр тормыш ситуациясендә калган йөкле һәм балалы хатыннарга ярдәм итү йөзеннән оештырыла.

(Казан шәһәре KZN.RU, 2-нче октябрь). 6-нчы октябрьдә Казанның “Азбука” яшьләр мәйданчыгында (Япеев ур., 2) Италиянең танылган композиторы, вокалчысы һәм гитара уйнаучысы Фабрицио Консолиның хәйрия концерты узачак.

Үзенең музыкасында джаз, рок һәм тангоны Көньяк Американың хуш исе белән берләштерә алуы артистның үзенчәлеге булып тора. Клавишлы коралларда уйнавы белән Казан тыңлаучыларын музыканың барлык жанрларында да уйнаучы пианист Якопо Мацца сөендерәчәк.

Италия дуэтының хәйрия концерты авыр тормыш ситуациясендә калган йөкле һәм балалы хатыннарга ярдәм итү йөзеннән оештырыла. Чит ил артистларының концертына билет урынына гигиена чаралары, яңа туган сабыйларга кирәкле әйберләр алу тәкъдим ителә. Мохтаҗ гаиләләргә кирәкле предметлар исемлеге “Умиление” әниләр һәм балачакны яклау үзәге сайтында урнаштырылган. Барлык бүләкләр керү ишеге янында кабул ителәчәк.

Концерт 15.00 сәгатьтә башлана, дип хәбәр ителә Татарстан митрополиясе сайтында.

Шулай ук укыгыз

Барлык яңалыклар