Казанлыларны «Шәһәрле-галим» лабораториясе дәресендә экосукмакларны тикшерүгә чакыралар

Катнашучылар тыюлык урманы буйлап йөриячәкләр һәм Зур Зәңгәр күлгә барачаклар

Фото: Денис Гордийко

(Казан шәһәре KZN.RU, 13 нче июль). «Шәһәрле-галим» лабораториясе дәресендә казанлылар шәһәр экосукмакларының роле турында беләчәкләр. Катнашучылар скандинавия таяклары белән тыюлык урманы буйлап узачак һәм Зур Зәңгәр күлнең төзекләндерелгән территориясенә барачак.

Дәресне КФУның табигатьне көйләү һәм сулардан файдалану кафедрасы доценты Эльвира Нәбиева үткәрәчәк. Ул күлнең уникаль үзенчәлекләре, аның территориясенең кыйммәте һәм альтернатив ял сценарийлары турында сөйләячәк.

Катнашу өчен теркәлергә кирәк. Шәһәрлеләрне Бәллүр шарлавык янында 11:00 сәгатьтә көтәчәкләр. Оештыручылар ябык кием һәм аяк киеме сайларга киңәш итә. Үзең белән скандинавия йөреше өчен таяклар, эчәргә су һәм баш киеме алырга кирәк, дип хәбәр итә «Казансуның үсеш стратегиясе» командасы.

Исегезгә төшерәбез, «Шәһәрле-галим» проекты Татарстан башкаласында икенче тапкыр тормышка ашырыла. Катнашучылар өчен 12 дәрес оештырылды, аның кысаларында яшәүчеләр Казансу экосистемасы белән танышачак, экспертлар һәм проектның башка катнашучылары белән белем алмашачак, шулай ук үзләренең шәхси кейсларын эшли алачак.

Бүген сирәк үлән үсемлекләр питомнигында проектның икенче дәресе узачак. Катнашучылар үзләрен бакчачылар һәм ботаниклар ролендә сынап карыйлар һәм аяк астындагы дөнья турында беләчәкләр. Теркәлү ачык.

Шулай ук укыгыз

Барлык яңалыклар