Казанлыларны видеоҗитештерү һәм мобиль робототехника серләренә өйрәтәчәкләр

Казанлыларны видеоҗитештерү һәм мобиль робототехника серләренә өйрәтәчәкләр

<p> <img width="870" src="https://www.kzn.ru/upload/iblock/010/startup.jpg" height="653"><br> </p> <p> (Казан шәһәре KZN.RU, 30-нчы июль). Казанлыларны видеоҗитештерү, график дизайн һәм мобиль робототехника буенча бушлай курслар үтәргә чакыралар. Әлеге юнәлешләр буенча программаларны 51 яшьтән 55 яшькә кадәрге хатын-кызлар һәм 56 яшьтән 60 яшькә кадәрге ир-атлар үзләштерә алачак. </p> <p> Дәресләр атнага 4 тапкыр кичке вакытта узачак. Уку дәвамлылыгы 72 сәгать тәшкил итә. Дәресләрне махсус укулар узган Казан мәгълүмати технологияләр һәм элемтә техникумының сертификацияле экспертлары һәм укытучылары үткәрәчәк. </p> <p> Программаларны үзләштерү тыңлаучыларга цифрлы күнекмәләргә ия булу дәрәҗәсен арттырырга, җитештерүне диверсификацияләү, күп кенә өлкәләрдә яңа технологик юнәлешләр формалаштыру белән бәйле мәсьәләләрне хәл итәргә өйрәнергә мөмкинлек бирәчәк. </p> <p> Курс тәмамлангач, барлык тыңлаучыларга дәүләт үрнәгендәге квалификация күтәрү турында таныклыклар биреләчәк. Демонстрацион имтиханны уңышлы тапшырган очракта өстәмә рәвештә халыкара үрнәктәге Skills-паспорт тапшырылачак. </p> <p> Өстәмә белем бирү «Демография» милли проектының «Өлкән буын» («Старшее поколение») федераль проектын тормышка ашыру кысаларында гамәлгә ашырыла. </p> <p> Гаризалар 26-нчы августка кадәр <a href="https://50plus.worldskills.ru/" target="_blank">сайтта</a> яки (843) 203-5555 (203 өстәргә) телефоны аша кабул ителә. </p>

2019-07-30T14:45:31+0300