В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
02.02.2023, 13:54
Казанлыларга хезмәт законнарына кагылышлы сораулар буенча бушлай консультацияләр бирәчәкләр
Халыкның сорауларына Илдус Нәфыйков, Эльмира Зарипова һәм Алсу Зәйнетдинова җавап бирәчәк.
Фото: Марат Мөгыйнов
(Казан шәһәре KZN.RU, 2 нче февраль). Татарстанның Халыклар дуслыгы йортында 7 нче февральдә гражданнарны кабул итү була. Шәһәрлеләр хезмәт законнары турында сораулар бирә алачак.
Казанлыларның сорауларына ТР прокуроры Илдус Нәфыйков, ТР хезмәт, мәшгульлек һәм социаль яклау министры Эльмира Зарипова һәм ТР Дәүләт хезмәт инспекциясе җитәкчесе вазыйфаларын башкаручы Алсу Зәйнетдинова җавап бирәчәк.
Халыкны кабул итү 10:00 сәгатьтән 13:00 сәгатькә кадәр Павлюхин ур., 57 адресы буенча узачак. Консультацияләр алу өчен алдан +7(843)291-19-25 телефоны буенча язылырга кирәк, дип хәбәр итә республика прокуратурасы матбугат хезмәте.
Шулай ук укыгыз
-
29.07.2025, 15:24 -
29.07.2025, 15:05 -
29.07.2025, 13:42 -
29.07.2025, 12:18