Казанлыларга эшләми торган вакыт аралыгында хезмәт хокуклары турында сөйләячәкләр

Татарстан Республикасында Дәүләт хезмәт инспекциясе җитәкчесе белән туры эфир 9-нчы апрельдә узачак.

(Казан шәһәре KZN.RU, 8-нче апрель). 9-нчы апрельдә COVID-19 вирусына каршы көрәш штабы Татарстанда эшләми торган вакыт аралыгында хезмәт хокукларын саклауга багышланган туры эфир уздырачак. Халыкның сорауларына Татарстан Республикасында Дәүләт хезмәт инспекциясе җитәкчесе Рөстәм Галәвов җавап бирәчәк.

Туры эфир Инстаграм социаль челтәрендә, штабның рәсми аккаунтында узачак (сораулар директка кабул ителә). Эфирның башлануы 10.00 сәгатькә планлаштырылган, дип хәбәр итә ТР Хезмәт, мәшгульлек һәм социаль яклау министрлыгының матбугат хезмәте.

Шулай ук укыгыз

Барлык яңалыклар