В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
21.02.2019, 11:32
Казанлыларга мәктәп укучыларының вендинг аппаратлары аша өстәмә туклануы турында сөйләячәкләр
Кулланучылар хокукларын яклау һәм кеше иминлеге өлкәләрендә күзәтчелек федераль хезмәте белгечләре шәһәрлеләргә 4 мартка кадәр консультацияләр бирәчәк.
(Казан шәһәре KZN.RU, 21-нче февраль). Татарстанда мәктәпләрдә азык-төлек продуктларын бирү автоматлары — вендинг аппаратлары аша өстәмә туклануны оештыру мәсьәләләре буенча кайнар линия эшли. Кулланучылар хокукларын яклау һәм кеше иминлеге өлкәләрендә күзәтчелек федераль хезмәтенең ТР идарәсе белгечләре шәһәрлеләргә 4 мартка кадәр консультацияләр бирәчәк.
Укучыларның ата-аналары балалар өчен вендинг аппаратлары аша өстәмә туклану сыйфаты һәм иминлеге буенча тәкъдимнәр һәм теләкләр кертә ала.
Шәһәрлеләрдән шалтыратулар Кулланучылар өчен консультация үзәгенең кайнар линиясенә (843) 221-90-16 телефоны буенча көн саен 9.00 сәгатьтән 17.00 сәгатькә кадәр кабул ителәчәк. Тәнәфес - 12.00-13.00 сәгатьтә.
Шулай ук Кулланучылар хокукларын яклау һәм кеше иминлеге өлкәләрендә күзәтчелек федераль хезмәтенең ТР идарәсе телефоны буенча да шалтыратырга мөмкин: (843) 273-15-83 дүшәмбедән пәнҗешәмбегә кадәр 10.00-17.00 сәгатьтә һәм җомга көнне 10.00-15.45 сәгатьтә, 12.00-12.45 сәгатьтә тәнәфес каралган, дип хәбәр итә ведомствоның матбугат хезмәте.
Шулай ук укыгыз
-
19.09.2025, 18:21 -
19.09.2025, 17:53 -
19.09.2025, 16:33 -
19.09.2025, 15:52