Яңалыклар
15.01.2025, 15:49
Казанлыларга балаларны укучыларның бер-берсенә карата рәхимсез мөнәсәбәтеннән ничек саклап калу турында сөйләячәкләр
Психолог Лилия Зайцева белән ачык очрашуда катнашу өчен алдан теркәлү кирәк
Шимбә көнне, 18 гыйнварда, Республика клиник наркодиспансерында яшүсмерләрнең әти-әниләре өчен психолог белән ачык очрашу узачак. Чара балаларны укучыларның бер-берсенә карата рәхимсез мөнәсәбәтеннән ничек саклап калу темасына һәм аны профилактикалауга багышланачак.
Очрашуда тыңлаучылар буллингның нәрсә икәнен, бу күренешнең нинди аспектлары булуын һәм аның белән ничек көрәшергә икәнен беләчәкләр. Теләүчеләр психология лабораториясе мөдире, клиник психолог Лилия Зайцевага сорауларын бирә алачак.
Очрашу 12:00 сәгатьтә Сеченов урамы, 6 йорт, Д(3 кат, мансарда) адресы буенча старт ала.
Катнашу бушлай, алдан теркәлергә кирәк, дип хәбәр иттеләр шәһәрнең сәламәтлек саклау идарәсендә.
Шулай ук укыгыз
-
29.04.2025, 17:56 -
29.04.2025, 17:11 -
29.04.2025, 16:43 -
29.04.2025, 16:02
