Казанлыларга Вахитов районы предприятиеләрендәге эш урыннарын тәкъдим итәчәкләр

Вакансияләр ярминкәсендә шәһәрлеләр хезмәт һәм мәшгульлек турындагы законнар буенча консультация ала алачак.

Фото: Марат Мөгыйнов

(Казан шәһәре KZN.RU, 10 нчы февраль). 16 нчы февраль көнне Казанның Вахитов районында вакансияләр ярминкәсе узачак.

Шәһәрлеләр район предприятиеләрендәге буш эш урыннары һәм вакантлы вазыйфалар (шул исәптән өлкән яшьтәге кешеләр өчен дә) турында белә, кадрлар хезмәте вәкилләре белән очраша алачаклар. Моннан тыш, килүчеләргә хезмәт һәм мәшгульлек турындагы законнар, дәүләт гарантияләре буенча консультация бирәчәкләр.

Вакансияләр ярминкәсе 9:00 дән 11:00 гә кадәр Качалов ур., 77 адресы буенча узачак, дип хәбәр итә Казанның Халыкны эш белән тәэмин итү үзәге.

Шулай ук укыгыз

Барлык яңалыклар