Казанлыларга Г.Кариев ис.театрның өслүбен эшләргә тәкдим итәләр

Эшләр 28 ноябрьгә кадәр кабул ителә.

(Казан шәһәре KZN.RU, 25-нче сентябрь). Габдулла Кариев ис. Казан Татар яшь тамашачы театры фирма өслүбен эшләү буенча бәйге игълан итә. Анда һөнәри белем бирү учреждениеләре студентлары катнаша ала. Бер катнашучы тәкъдим итә ала торган эшләр саны чикләнмәгән.

Бәйгегә индивидуаль һәм коллектив эшләр дә кабул ителә. Эшләрне 28 ноябрьгә кадәр tatar.tyuz@tatar.ru адресы буенча җибәрергә мөмкин.

Бәйге нәтиҗәләре 30 ноябрьдә чыгарылачак, дип хәбәр итә ТР Мәдәният министрлыгы матбугат хезмәте.

Искәртергә кирәк, Габдулла Кариев ис. Казан Татар яшь тамашачы театрының яңартылган бинасы бу елның апрелендә ачылды. Театр Офицерлар йорты буларак билгеле булган “Победа” кинотеатры бинасында урнашты. Реконструкция барышында бина җылытылды һәм фасадлар төзекләндерелде, түбәсе һәм инженерлык системалары алмаштырылды, автомат янгын сүндерү системасы һәм инвалидлар өчен лифт куелды. Моннан кала, заманча җиһазлар һәм җайланмалар китерелде.

Шулай ук укыгыз

Барлык яңалыклар