В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
18.06.2025, 10:55
Казан яшьләрен урам спорт төрләре буенча ярышларда катнашырга чакыралар
Казанлылар паркурда, воркаутта, стритболда, шулай ук роликларда һәм квадларда ярыша алачак
«Урам» экстрим-паркында 28 июньдә экстремаль спорт төрләре буенча ярышлар һәм контестлар узачак. Яшьләр көнендә казанлылар өчен воркаут-фристайл, паркур, роликлар һәм квадлар, шулай ук стритбол буенча ярышлар әзерләделәр.
Ярышларны танылган спортчылар хөкем итәчәк, алар арасында роликлар буенча Россиянең иң титуллы райдерларының берсе Егор Логинов, паркур буенча күп санлы ярышлар җиңүчесе Семен Черепко, Россия воркаутына нигез салучыларның һәм идеологларның берсе Михаил Баратов, шулай ук экстрим-шоуны куючы һәм квадлар буенча фристайл дисциплинасы хөкемдары Екатерина Бахирева.
Ярышларда катнашу өчен 27 июньдә 12:00 гә кадәр воркаут, паркур, роликлар һәм квадлар (стритболдан тыш) буенча алдан теркәлү узарга кирәк. Чара көнендә теркәү 10:00 сәгатьтә башлана.
Шунысын да билгеләп үтәргә кирәк, барлык катнашучыларга, стритболдан тыш, «Урам2 экстрим-паркының гамәлдәге расписка һәм спорт белән шөгыльләнүне киңәйтеп сәламәтлекне иминиятләштерү, шулай ук чара көнендә теркәү стойкасында мәҗбүри раслау кирәк.
Шулай ук укыгыз
-
19.06.2025, 14:23 -
19.06.2025, 14:22 -
19.06.2025, 13:45 -
19.06.2025, 10:47