Казанлыларга бер көн генә Федор Шаляпин гардеробын тәкъдим итәчәкләр

Экспозициядә – опера җырчысының һәм аның беренче хатыны, балерина Иола Торнагиның киемнәре.

Фото: Денис Гордийко

(Казан шәһәре KZN.RU, 30-нчы март). Казанда «Татарстан музейларында камера музыкасы. Яңарыш. Яңа гасыр» циклыннан концертлар дәвам итә. Шуларның иң якындагысы 31-нче март көнне А.М.Горький һәм Ф.И.Шаляпин музеенда узачак. Чара көнендә «Шаляпин. Купшылык һәм көязлек» дип исемләнгән эксклюзив мини-күргәзмә ачылачак. Ул бары тик бер, концерт узган көнне генә эшләячәк.

Экспозиция музейның Шаляпин коллекциясеннән беренче тапкыр халыкка тәкъдим ителәчәк мемориаль предметларны үз эченә ала. Бу опера сәхнәсе гение гардеробы элементлары, аның беренче хатыны – балерины Иола Торнаги һәм тугры дусты – Исай Дворищин. Кечкенә, әмма әһәмиятле коллекция музыкаль кичәдән тәэсирләрне тулыландырачак, дип хәбәр итә ТР Милли музее матбугат хезмәте.

«Reflections i. Рус темасы» дип аталган концерт 19.00 сәгатьтә булачак. Quaternion кыллы квартеты Александр Бородинның 2-нче номерлы Квартетын (D-dur) һәм Петр Чайковскийның 3-нче номерлы Квартетын (Es-dur) башкарачак.

«Татарстан музейларында камера музыкасы. Яңарыш. Яңа гасыр» проекты ТР Мәдәният министрлыгы ярдәме белән тормышка ашырыла. Цикл 9 концертны үз эченә ала, алар Quaternion кыллы квартетын 27-нче марттан 2-нче июньгә кадәр шәһәр музейларында тәкъдим итәчәк. Проектның төп миссиясе – агарту, камера-инструменталь башкаруга һәм музейларга карата кызыксынуны яңарту. Аның авторлары музыка белгече, филолог, сәнгать белеме кандидаты Ольга Скепнер һәм виолончелист, Quaternion квартетының сәнгать җитәкчесе Сергей Пономарев.

Шулай ук укыгыз

Барлык яңалыклар