Казан Зооботаника бакчасы җәйге эш режимына күчә

Җәй азагына кадәр ул 20.00 сәгатькә кадәр эшләячәк.

(Казан шәһәре KZN.RU, 30-нчы май). 1 июньнән Казан зооботаника бакчасы җәйге эш режимына күчә. Җәй азагына кадәр ул 8.30 сәгатьтән 20.00 сәгатькә кадәр эшләячәк, ә касса – 8.30 сәгатьтән 19.00 сәгатькә кадәр.

Зооботаника бакчасының җәйге режимда беренче эш көне – 1 июнь – биредә Балаларны яклау көне билгеләп үтелә. Кунаклар татар эстрадасы йолдызларының үзләренең балалары белән концертын карый, уеннарда һәм бәйгеләрдә катнаша алачаклар. Шәһәрлеләрнең күңелләрен аниматорлар күтәрәчәк, программада шулай ук – аквагрим һәм башка күңелле сюрпризлар, дип хәбәр итә зооботаника бакчасы матбугат хезмәте.

Шулай ук укыгыз

Барлык яңалыклар