Казанның «Үзеңне җиң» турниры инвалидлыклары булган 50 баланы берләштерәчәк

Казанның «Үзеңне җиң» турниры инвалидлыклары булган 50 баланы берләштерәчәк

<p> </p> <div class="detail-picture"> <img src="https://kzn.ru/upload/iblock/5b4/RU_3230-870.jpg"> <p class="detail-picture__caption"> Фото: «Авиатор» физкультура-спорт берләшмәсе </p> </div> (Казан шәһәре KZN.RU, 30 нчы ноябрь). 2 нче декабрьдә Казанның «Триумф» спорт комплексында өченче тапкыр инвалид балалар арасында «Үзеңне җиң» дип аталган йөзү турниры узачак. Ярышларда җиңү өчен 8 яшьтән алып 18 яшькә кадәрге 50 катнашучы көрәшәчәк. <p> </p> <p> Ярышлар интернат-мәктәп укучыларын, «Триумф» спорт комплексында тәрбияләнүчеләрне, хәйрия фондлары карамагындагы кешеләрне һәм башка спортчыларны берләштерәчәк. Аларның һәрберсе медаль, мактау грамотасы һәм кыйммәтле бүләкләр алачак, дип хәбәр иттеләр «Авиатор» физкультура-спорт берләшмәсендә. </p> Ярышлар Инвалидлар декадасына багышланган. Турнир «Игелекле Казан» автоном коммерцияле булмаган оешмасы һәм «Трамплин» хәйрия фонды химаясе астында уза.

2022-11-30T09:12:00+0300