Казан спортчысы Илья Шикшин вэйци буенча Кытай илчесенең X Кубогы җиңүчесе булды

Казан спортчысы Илья Шикшин вэйци буенча Кытай илчесенең X Кубогы җиңүчесе булды

<p> </p> <div class="detail-picture"> <img src="https://kzn.ru/upload/iblock/6d9/MMB_5277-870.jpg"> <p class="detail-picture__caption"> Фото: Марат Мөгыйнов  </p> </div> <p> (Казан шәһәре KZN.RU, 31 нче октябрь). Казан спортчысы Илья Шикшин Кытай илчесенең вэйци (го) буенча X Кубогы җиңүчесе булды. Ике көн эчендә ярышларда катнашучылар бер меңнән артык партия уйнады. </p> <p> Чемпионат финалында Илья Шикшин Казанның тагын бер спортчысы Александр Динерштейн белән очрашты. Партиянең 59 нчы минутында И.Шикшин җиңүгә иреште, уңышлы алым аркасында уен җиңү белән тәмамланды.  </p> <p> «Туры телеэфирда уйнау башкача, әмма дулкынлануны җиңеп, нәтиҗәдә көчле көндәшне җиңә алдым», - дип уртаклашты И.Шикшин. Хәзер уенчылар киләсе ярышларга әзерләнә – тиздән Санкт-Петербургта Россия чемпионаты узачак, дип хәбәр итә оештыручылар.  </p> <p> Илья Шикшин – Россиянең атказанган спорт мастеры, 4 нче һөнәри данга (разрядка) ия, сигез тапкыр Европа чемпионы һәм го буенча тугыз тапкыр Россия чемпионы, җиде тапкыр Россия Кубогы иясе.  </p> <p> Кытай илчесенең X Кубогы ярышлары Мәскәүдә 29-30 нчы октябрьдә узды. Кытай Халык Республикасы илчелегенең ел саен катнашуы ярышларның тагын да яктырак, масштаблы һәм истә калырлык булуына ярдәм итә. «Парк Хуамин» бизнес-үзәгендә узган мастер-классларда тамашачылар үзләренең беренче партияләрен уйный, каллиграфия нигезләренә өйрәнә һәм чәй церемониясе белән ләззәтләнә алдылар. Го уенын тарату – Россия белән Кытай арасында мәдәни элемтәләрне үстерүгә ярдәм итүнең бер юнәлеше. </p>

2022-10-31T10:04:00+0300