Казанның «Ак Барс» хоккей клубы «Турнир – паузада» үткәрә

Турнир вакытында следж-команда катнашлыгында «Хоккей – һәркем өчен» хәйрия матчы планлаштырылган.

Фото: Марат Мөгыйнов

(Казан шәһәре KZN.RU, 4 нче февраль). 13-16 нчы февральдә «Татнефть Арена» бозында «Турнир – паузада» чарасы – КХЛ командаларының контроль матчлары узачак. Гадәттә мондый турнирлар чемпионатта Олимпия уеннарына бүленгән вакытта үтә.

«Ак Барс» (Казан), «Нефтехимик» (Түбән Кама), «Локомотив» (Ярославль), «Северсталь» (Череповец) өчәр матч уздырачак, җиңүче җыелган очколар буенча билгеләнәчәк.

Шулай ук турнир вакытында следж-команда (мөмкинлекләре чикләнгән балалар) катнашлыгында «Хоккей – һәркем өчен» хәйрия матчы узачак, дип хәбәр итә «Ак Барс» хоккей клубы матбугат хезмәте.

«Турнир – паузада»ның барлык матчлары да «Ак Барс» хоккей клубының рәсми төркемендә «Вконтакте» социаль челтәрендә трансляцияләнәчәк.

«Турнир – паузада» матчларының җәдвәле түбәндәгечә булачак: 13 нче февральдә 12:00 сәгатьтә «Северсталь» һәм «Нефтехимик» командалары арасында уен узачак, 17:00 сәгатьтә – «Ак Барс» белән «Локомотив» арасында; 14 нче февральдә 13:00 сәгатьтә – «Локомотив» һәм «Нефтехимик» арасында, 19:00 сәгатьтә – «Ак Барс» һәм «Северсталь» командалары арасында; 16 нчы февральдә 13:00 сәгатьтә – «Локомотив» һәм «Северсталь» арасында, ә 19:00 сәгатьтә – «Ак Барс» һәм «Нефтехимик» арасында.

Шулай ук укыгыз

Барлык яңалыклар