Казан гроссмейстеры Илдар Ибраһимов Россия җыелма командасы составында шахмат буенча Европа чемпионы булды

Хорватиядә ике яшь категориясендә үткәрелгән сеньорлар арасында шахмат буенча Европа команда чемпионаты тәмамланды.

(Казан шәһәре KZN.RU, 27-нче сентябрь). Хорватиядә ике яшь категориясендә (50+ һәм 65+) үткәрелгән сеньорлар арасында шахмат буенча Европа команда чемпионаты тәмамланды. Казан гроссмейстеры Илдар Ибраһимов Россия җыелма командасы составында чемпион булды.

50+ төркемендә Владимир Бурмакин, Евгений Глейзеров, Руслан Щербаков, Юрий Якович һәм Казан гроссмейстеры Илдар Ибраһимов уйнаган Россия командасы 17 очко җыйды һәм өстәмә күрсәткечләр буенча икенче урынны алган Хорватия җыелма командасын узып китте. Өченче урынны Словения вәкилләре алды.

65+ категориядә Юрий Балашов, Евгений Свешников, Евгений Калегин, Владимир Желнин һәм Николай Пушков уйнаган Россия җыелма командасы шулай ук беренче урынны алды, дип хәбәр итә Россия шахмат федерациясе. Швеция-1 (2 урын) һәм Германия (3 урын) командалары 4 очкога калышты.

Шулай ук укыгыз

Барлык яңалыклар