«Урам» Казан экстрим-паркы үзенең беренче сезонын яба

31-нче октябрь көнне килүчеләр өчен күңел ачу программасы әзерләнгән.

Фото: Денис Гордийко

(Казан шәһәре KZN.RU, 30-нчы октябрь). «Урам» Казан экстрим-паркы үзенең беренче эш сезонын тәмамлый. 31-нче октябрьдә килүчеләр өчен күңел ачу программасы оештырылачак.

Бу көнне төрле ярышлар, шул исәптән каршылыклар полосасы планлаштырылган. Катнашучылар арасында төп приз өчен көрәш – яңа ябык экстрим-паркка беренче булып керү мөмкинлеге булачак. Шулай ук кастом-мәйданчык эшләячәк, диджейлар һәм кайнар эчемлекләр җылынырга ярдәм итәчәк.

Чара 13.00 сәгатькә планлаштырылган, дип хәбәр ителә иҗтимагый киңлекнең социаль челтәрендә.

Шулай ук укыгыз

Барлык яңалыклар