Погонлы Кыш бабай авыр тормыш хәлендә калган балаларны якынлашып килүче бәйрәмнәр белән котлады

Погонлы Кыш бабай авыр тормыш хәлендә калган балаларны якынлашып килүче бәйрәмнәр белән котлады

<p> (Казан шәһәре KZN.RU, 28-нче декабрь). Казанда полиция Кыш бабае, авыр тормыш хәлендә калган гаиләләрне, шулай ук Дәрвишләр бистәсендәге акылга зәгыйфь балалар интернат-йортында тәрбияләнүчеләрне якынлашып килүче яңа ел белән котлады. Яңа ел әкияти персонажлары – Кыш Бабай һәм Кар кызы ролендә Россия Эчке эшләр министрлыгының Казан буенча идарәсе хезмәткәрләре чыгыш ясады.<br> </p> <p> Шунысын да билгеләп үтәргә кирәк, Дәрвишләр бистәсендәге акылга зәгыйфь балалар интернат-йортында 171 инвалид бала тәрбияләнә, аларның яртысы – ятимнәр. Бирегә бөтен республикадан 4-18 яшьлек балалар килә. Балалар Кыш Бабай һәм Кар кызы өчен шигырьләр, җырлар һәм хәтта иҗади номерлар әзерләгән, ә кунаклар татлы бүләкләр, уенчыклар һәм канцелярия кирәк-яраклары әзерләделәр. </p> <p> 13 ел инде үткәрелә торган "Полиция Кыш бабае" акциясе 2019 елның 15 гыйнварына кадәр дәвам итәчәк, дип хәбәр иттеләр Россия Эчке эшләр министрлыгының Казан буенча идарәсендә. </p> <p> Проектның максаты - яшүсмерләр арасында күзәтүчесезлекне, көнкүреш җинаятьчелеген кисәтү, социаль куркыныч хәлдә булган имин булмаган һәм аз тәэмин ителгән гаиләләрне ачыклау, аларга ярдәм күрсәтү, шулай ук халыкның хокук саклау органнарына ышаныч дәрәҗәсен ныгыту, уңай хокукый аң формалаштыру. </p>

2018-12-28T17:45:00+0300