Казанның «Ак Барс» командасы үз кырындагы сериядә икенче җиңүгә иреште

Казанның «Ак Барс» командасы үз кырындагы сериядә икенче җиңүгә иреште

<p> <img src="https://www.kzn.ru/upload/iblock/1ee/ti0_3604.jpg"><br> </p> <p> <span style="color: #3d3d3d;">(Казан шәһәре KZN.RU, 29-нчы октябрь). Казанның «Ак Барс» командасы үз кырындагы сериядә икенче хәлиткеч җиңүгә иреште. Кичә «Татнефть-Арена»да Хабаровскиның «Амур» командасы белән очрашу 3:1 исәбе белән тәмамланды.</span> </p> <p> <span style="color: #3d3d3d;">Матч хуҗаларының бозда лидерлыгы беренче таймның алтынчы минутында ук башланды – көндәшләренең капкасына алканы Патрис Кормье кертте. Тагын биш минуттан соң, Казан уенчысы Андрей Педан гол керткәч, исәп 2:0 булды. Икенче таймның беренче минутында «Амур» җыелырга тырышты – Кирилл Рассказов алкасы «барслар» капкасына эләкте. Шулай да тиздән Татарстан клубы уенчылары исәпне яңадан үзгәртте, өченче голның авторы Михаил Глухов булды.</span> </p> <p> <span style="color: #3d3d3d;">Уен нәтиҗәләре буенча «Ак Барс» элеккечә Континенталь хоккей лигасының Көнчыгыш конференциясендә 16 җиңү һәм 35 очко белән турнир таблицасының беренче баскычында кала.</span> </p> <p> <span style="color: #3d3d3d;">Искәртеп узабыз, быелгы серия «Ак Барс» өчен Нур-Солтанның «Барыс»ын 26-нчы октябрьдә җиңүдән башланды. Үз кырындагы сериядә соңгы матчны иртәгә үк төгәлләячәкләр. «Ак Барс» бозда Владивостокның «Адмирал»ына каршы уйнаячак. Уен «Татнефть-Арена»да 19.30 сәгатьтә башлана, дип хәбәр ителә Казан хоккей клубы сайтында.</span> </p>

2019-10-29T08:46:49+0300