Казан аэропорты беренче тапкыр елына 5 млн кешегә хезмәт күрсәткән

Юбилей пассажиры ТР башкаласында яшәүче хатын-кыз булган

Фото: Казан аэропорты матбугат хезмәте

(Казан шәһәре KZN.RU, 18 нче декабрь). Казан аэропорты рекорд куйган – беренче тапкыр ул бер елда 5 млн кешегә хезмәт күрсәткән.

Юбилей пассажиры Татарстан башкаласында яшәүче Анастасия Данилова булган. Ул Казан – Минераль Сулар рейсына теркәлү узган. Кызга сувенирлар, аэропортның югары комфортлы залларында хезмәт күрсәтү сертификаты һәм Nordwind Airlines авиакомпаниясеннән бушлай очу сертификаты тапшырылды, дип хәбәр итә һава аланы матбугат хезмәте.

«Казан» аэропорты генераль директоры Сергей Романцов фикеренчә, мондый күрсәткечкә маршрут челтәрен киңәйтү һәм инде булган юнәлешләрдә рейслар санын арттыру нәтиҗәсендә ирешелгән.

Узган ел аэропорт 4 млн 18 мең пассажирга хезмәт күрсәткән. Ил эчендә популяр юнәлешләр булып Санкт-Петербург, Махачкала, Минераль Сулар, Новосибирск тора. 2022 елда барлыгы 18 мең 770 очыш башкарылган.

Исегезгә төшерәбез, Казаннан Мисырга яңа авиарейслар җибәрделәр. Очышлар Шарм-эш-Шейх һәм Хургадага башкарыла. Һава транспорты өчен 221 урынлы Airbus А321 самолетлары җәлеп ителгән. Юл вакыты алты сәгать тәшкил итә.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар