Казан скаутларын Зөбәрҗәт күленә бөтендөнья туризм көнен билгеләп үтәргә чакыралар

Дүрт кешелек командалар составында укучыларга төрле сынаулар узарга тәкъдим итәчәкләр.

(Казан шәһәре KZN.RU, 25-нче сентябрь). Казан һәм Татарстан скаутларын Зөбәрҗәт күленә бөтендөнья туризм көнен билгеләп үтәргә чакыралар. Дүрт кешелек командалар составында укучыларга төрле сынаулар узарга тәкъдим итәчәкләр.

29-нчы сентябрьдә катнашучыларга велоэстафетаны үтәргә, параллель арканнар буенча менәргә, асылмалы кичү, горизонталь баскыч, 3Д-пщрщвез, гать аша үтәргә, жумарада менәргә, тирбәлә торган бүрәнәләр һәм элмәкләр буенча узарга, учак кабызу һәм палатка урнаштыру күнекмәләрен күрсәтергә кирәк булачак. Җиңүчеләргә дипломнар һәм истәлекле бүләкләр тапшырылачак.

Ярышларда катнашырга дүрт кешедән торган командалар составында 1-7 сыйныф укучылары (өлкәннәр озата килергә тиеш) чакырыла. Ярышларда өч яшь категориясе буенча бүленәчәкләр: кече (7-9 яшь), урта (10-11 яшь), өлкән (12-13 яшь). Шулай ук катнашуга 11 яшькә кадәрге балалары булган яшь гаиләләр дә кушыла ала. Ярышларда катнашу бушлай. Команданы түбәндәге сылтама буенча теркәргә мөмкин.

Оештыручылар шулай ук катнашучыларга спорт киеме, шәхси перчаткалар һәм коры пайк кирәк булуы турында искә төшерә. Шулай ук катнашучыларга команда эмблемасын уң җиңгә беркетергә, команда исемлеген төзергә һәм ярышларга мәктәп табибы имзасы һәм мәктәп мөһере белән расланган рөхсәт турында медицина белешмәләрен бирергә кирәк, дип хәбәр итә Киров һәм Мәскәү районнары администрациясе матбугат хезмәте.

Шулай ук укыгыз

Барлык яңалыклар