Казан эшкуарларын Россия кулланучылар хокукларын яклау һәм кеше иминлеге өлкәләрендә күзәтчелек федераль хезмәте идарәсенә ачык ишекләр көненә чакыралар

19-нчы сентябрьдә бизнес вәкилләре бушлай консультация ала алачак.

(Казан шәһәре KZN.RU, 13-нче сентябрь). Казан эшкуарларын Россия кулланучылар хокукларын яклау һәм кеше иминлеге өлкәләрендә күзәтчелек федераль хезмәтенең ТР буенча идарәсенә ачык ишекләр көненә чакыралар. 19-нчы сентябрьдә бизнес вәкилләре бушлай консультация ала алачак.

Республика ведомствосы белгечләреннән ярдәм алу өчен түбәндәге телефон номерлары буенча кызыксындырган сорауны күрсәтеп, алдан язылырга кирәк: (843) 238-60-62, 238-18-41. Телефоннар 16-18-нче сентябрь көннәрендә 10.00 сәгатьтән 17.00 сәгатькә кадәр, 12.00 сәгатьтән 12.45 сәгатькә кадәр тәнәфес белән, эшләячәк.

Ачык ишекләр көне 19-нчы сентябрь көнне 12.00 сәгатьтән 16.00 сәгатькә кадәр түбәндәге адреслар буенча узачак: Большая Красная ур., 30 һәм Сеченов ур., 13а, дип хәбәр итә Кулланучылар хокукларын яклау һәм кеше иминлеге өлкәсендә күзәтчелек буенча федераль хезмәтнең ТР буенча идарәсе матбугат хезмәте.

Шулай ук укыгыз

Барлык яңалыклар