Казанның сәламәтлекләре чикле булган балаларын керамика буенча дәресләргә чакыралар

Дәресләр рәнҗешәмбе көннәрендә «Хыял» гаилә белән ял итү үзәгендә түләүсез уздырыла.

(Казан шәһәре KZN.RU, 26-нчы март). Казанда сәламәтлекләре чикле булган балалар өчен балчыктан эшләнмәләр ясау буенча «Махсус керамика» дәресләре оештырылган. Дәресләрдә балалар һәм аларның әти-әниләре кул эшләре белән таныша һәм сувенирлар ясый ала.

Чара барышында, файдалы күнекмәләр үзләштерүдән тыш, сәламәтлекләре чикле булган балалар яңа дуслар һәм танышлар таба. Киләчәктә балаларны, чүлмәк боҗрасы һәм муфель миченнән файдаланып, балчык әвәләү осталыгына өйрәтү планлаштырыла.

Дәресләр рәнҗешәмбе көннәрендә «Хыял» гаилә белән ял итү үзәгендә (Павлюхин ур., 120) түләүсез уздырыла. 14.00 сәгатьтә башлана, дип хәбәр итә Казан епархиясе матбугат хезмәте. Өстәмә мәгълүматны телефон аша алырга мөмкин: +7 960 036-99-64.

Шулай ук укыгыз

Барлык яңалыклар