Казан яшь геологлары бөтенроссия олимпиадасында җиңүчеләр һәм призерлар булдылар

Интеллектуаль ярыш Россия, Белоруссия, Үзбәкстан, Таҗикстан, Казахстан, Кыргызстан һәм Монголиядән 39 команданы берләштерде.

(Казан шәһәре KZN.RU, 6-нчы август). Казан укучылары Яшь геологларның XII бөтенроссия ачык олимпиадасында җиңүчеләр һәм призерлар булдылар. Интеллектуаль ярыш 26-нчы июльдән 5-нче августка кадәр Бердск шәһәрендә (Новосибирск өлкәсе) узды. Ул Россиянең 29 төбәгеннән, шулай ук Белоруссиядән, Үзбәкстаннан, Таҗикстаннан, Казахстаннан, Кыргызстаннан һәм Монголиядән 39 команданы берләштерде.

Конкурста Татарстан Республикасыннан ике команда катнашты: «Ферсман» һәм «Геобарс». «Ферсман» командасы составына Казан укучылары – КФУ IT-лицее һәм шәһәрнең Совет районы 93-нче гимназиясе укучылары керде. 10 көн дәвамында балалар палеонтологиядә, геологиядә, радиометриядә, гидрологиядә, геологик маршрутларда, һәм башкаларда белемнәрен күрсәттеләр. Команда ярышларында алар бергә турнирның өченче урынын яулый алдылар. Быел «Ферсман»ның Яшь геологларның VI республика ачык кыр олимпиадасы чемпионы булуларын да билгеләп үтик.

Татарстанның икенче «Геобас» командасы составына шулай ук Казан укучылары керде, алар шәхси ярышларда призлы урыннар яуладылар. Гидрология буенча турнирда беренче урынны Яңа Савин районының 7-нче номерлы гимназиясеннән сигезенче сыйныф укучысы Вероника Шәрәфетдинова һәм тугызынчы сыйныф укучысы Борис Васильев яулады, дип хәбәр итә Татарстан Республикасы Мәгариф һәм фән министрлыгы матбугат хезмәте.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар