Казан укучылары WorldSkills төбәк чемпионаты җиңүчеләре булдылар

Быел чемпионат Татарстанның 11 шәһәрендә һәм авылларында 43 мәйданчыкта 162 һөнәр буенча узды.

(Казан шәһәре KZN.RU, 10-нчы декабрь). Казан федераль университетының IT-лицее укучылары төрле компетенцияләрдә WorldSkills төбәк чемпионаты җиңүчеләре һәм призерлары булды. Быел чемпионат Татарстанның 11 шәһәрендә һәм авылларында 43 мәйданчыкта 162 һөнәр буенча узды.

Диләрә Садыйкова һәм Әмир Гарифуллин «Эшмәкәрлек (яшүсмерләр)» компетенциясендә беренче урынны яуладылар. «Мобиль эшләнмә (яшүсмерләр)» юнәлешендә Анастасия Лаврова иң яхшысы дип табылды. Моннан тыш, «Мобиль эшләнмә (яшүсмерләр)» компетенциясендә Шакир Шәфигуллин өченче урынны алды.

Балаларның тренерлары һәм эксперт-компатриотлары белән Виктория Яикова, Рөстәм Исламнуров, шулай ук Руслан Вальшин чыгыш ясады.

Региональ чемпионатта катнашу өчен 187 оешма җәлеп ителгән, алар арасында 119 мәктәп, лицей һәм гимназия, 72 урта һөнәри белем бирү учреждениесе, 15 өстәмә белем бирү оешмасы бар.

Төбәк чемпионатыннан соң Татарстан җыелма командасы формалашачак, ул ил чемпионатында республикабыз данын яклаячак. Чара Кемерово өлкәсенең Новокузнецк шәһәрендә 2020 елның 17-21 июлендә узачак. Якынча мәгълүматлар буенча, ярышлар 124 компетенция буенча уздырылачак - 81 өлкән яшьтәге категория компетенциясе һәм 43 яшүсмерләр юнәлеше компетенциясе, дип хәбәр итә ТР Мәгариф һәм фән министрлыгы матбугат хезмәте.

Шулай ук укыгыз

Барлык яңалыклар