Казан студентлары «Бәллүр әфлисун» PR-проектлар конкурсында катнаша ала

Гаризалар 15-нче мартка кадәр кабул ителә.

(Казан шәһәре KZN.RU, 28-нче гыйнвар). КФУның Журналистика һәм медиакоммуникацияләр югары мәктәбендә «Бәллүр әфлисун» PR-проектлар конкурсының төбәк этабы узачак. Быел конкурска студентлар эшләрен кабул итү 15-нче февральдә башлана. Җиңү өчен Татарстан югары уку йортлары студентлары көрәшә ала.

Конкурс берничә номинация буенча үткәрелә: дәүләт һәм муниципаль структуралар эшчәнлегендә, бизнеста, социаль өлкәдә, экология өлкәсендә, мәгариф өлкәсендә, мәдәният һәм сәнгать өлкәсендә, сәясәт һәм сайлау технологияләре өлкәсендә җәмәгатьчелек белән элемтә һәм медиа технологияләре. Һәр номинациядә конкурста катнашучыларның проект эшләре темалары каралган.

Эшләрне жюри әгъзалары, җәмәгатьчелек белән элемтә, реклама, медиакоммуникацияләр һәм чиктәш өлкәләр белгечләре, укытучылар, җәмәгать һәм дәүләт эшлеклеләре, шулай ук коммерция структураларының PR-хезмәтләре җитәкчеләре бәяләячәк.

Конкурста катнашу өчен теркәлү узарга, pro-konkursRT@yandex.ru электрон адресына PDF форматындагы проект эшен, гариза, проектны аннотацияләү (бер биткә кадәр) һәм проект авторының фотосурәтен җибәрергә кирәк. Гаризалар 15-нче мартка кадәр кабул ителә, дип хәбәр итә Казан университеты матбугат хезмәте.

Конкурска йомгак 25-нче апрельдә ясалачак, һәр номинациядә иң яхшы эшне билгеләячәкләр. Барлык җиңүчеләр дипломнар һәм истәлекле бүләкләр алачак, ә төбәк этабында җиңүчеләрнең проект эшләрен «Бәллүр әфлисун»студентлар эшләре һәм медиа технологияләре өлкәсендә Бөтенроссия конкурсында тәкъдим итәчәкләр.

Конкурс турында тулырак мәгълүматны КФУның рәсми сайтында табарга мөмкин.

Белешмә

Казан федераль университетының җәмәгатьчелек белән элемтәләр һәм медиакоммуникацияләр өлкәсендә «Бәллүр әфлисун» ачык студентлар эшләре конкурсы 2019 елда Татарстан Республикасы югары уку йортлары укучылары өчен гамәлгә куелган. Аны ел саен үткәрү планлаштырыла. «Бәллүр әфлисун» конкурсының Бөтенроссия этабы 19 ел инде үткәрелә һәм Россиянең 39 шәһәреннән меңләгән студентны һәм югары уку йортларын тәмамлаучыларны берләштерә.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар