Казан коткаручылары Җиңү паркында су керергә ярамаган урында баткан баланы коткарган

12 яшьлек кыз әти-әниләре белән ял иткән.

(Казан шәһәре KZN.RU, 11-нче июль). Казанда коткаручылар Җиңү паркындагы күлдә су кергән 12 яшьлек кызга ярдәм иткән. Бала әти-әниләре белән ял вакытында бата башлый.

Фаҗигане кичә, 10 июльдә, Суда коткару җәмгыяте әгъзалары булдырмый кала. 13.45 сәгатьтә суга кергәндә, кыз бала тая һәм бата башлый. Коткаручылар тиз арада аны ярга чыгара. Бала аңында була, зыян күрми һәм аның үпкәсенә су кермәгән була, шуңа күрә ата-ана медицина ярдәменнән баш тарта.

Коткаручылар баланың батуында нәкъ менә ата-ананы гаеплиләр. Күл массалы ял итү урыны булып санала, ләкин анда су керү тыела. Бу хакта Суда коткару җәмгыяте әгъзалары ял итүче ата-аналарны кисәтеп йөргән. “Вакыйганың сәбәбе – ата-аналарның балаларына тиешле күзәтү булмауда”, - дип хәбәр итә Татарстан Гадәттән тыш хәлләр министрлыгы матбугат хезмәте.

Моңа кадәр хәбәр ителгәнчә, Казанда 4 урында су керергә ярый: Комсомол күле, “Түбән Заречье”, “Локомотив” һәм Тирән күл.

Шулай ук укыгыз

Барлык яңалыклар