Казан укучылары информатика буенча халыкара олимпиаданың алтын һәм бронза медальләрен яулады

Ярыш Бухарестта узды, анда 11 илдән командалар катнашты.

(Казан шәһәре KZN.RU, 14-нче октябрь). Казан укучылары Илдар Гайнуллин һәм Азат Исмәгыйлев информатика буенча Romanian Master of Informatics VII Халыкара олимпиадасының алтын һәм бронза призерлары булдылар. 9-12-нче октябрь көннәрендә Бухарестта интеллектуаль ярыш узды һәм 11 илдән командаларны үзенә җыйды.

Мәскәү, Санкт-Петербург, Казан һәм Чиләбедән килгән Россия укучылары барлыгы 13 медаль яулады. Бүләк ияләре кергән Казан командасы – Н.И.Лобачевский исемендәге лицей укучылары, турнирның иң яхшы ун җыелма командасы арасына керде. Алтын медальгә Илдар Гайнуллин ия булды, ә бронза медальгә Азат Исмәгыйлев лаек булды. Балаларны Сергей Михайлин һәм Константин Скобельцын әзерләде, дип хәбәр итә Татарстан Республикасы Мәгариф һәм фән министрлыгының матбугат хезмәте.

Исегезгә төшерәбез, Илдар Гайнуллин – информатика буенча Бөтенроссия олимпиадасының абсолют җиңүчесе һәм IOI-2019 информатика буенча Халыкара олимпиаданың «алтын» иясе.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар