Казан укучылары математика буенча Леонард Эйлер исемендәге XV Олимпиада призерлары булдылар

Алар арасында 2 нче лицей-интернат, 131 нче лицей, КФУның IT-лицее һәм башка уку йортлары укучылары бар.

Фото: Денис Гордийко

(Казан шәһәре KZN.RU, 31 нче март). Казан укучылары математика буенча Леонард Эйлер исемендәге XV олимпиаданың йомгаклау этабында призер булдылар. Ярышлар Мәскәүдә, Санкт-Петербургта, Кировта һәм Барнаулда узды.

Җиңүчеләрнең берсе 2 нче лицей-интернатның 8 нче сыйныф укучысы Максим Большаков булды. II дәрәҗә дипломнар Казанның тагын 3 лицеистына – 131 нче лицейның һәм КФУның И.Лобачевский исемендәге лицей-интернатының 8 нче сыйныф укучыларына Даниил Чертилин һәм Михаил Васильевка, шулай ук КФУның IT-лицееның 7 нче сыйныф укучысы Лука Калюжномга тапшырылды.

III дәрәҗә дипломнарны КФУның И.И.Лобачевский исемендәге лицей-интернат һәм 2 нче лицей-интернат укучылары Михаил Краюшкин һәм Госман Иванов алдылар.

Моннан тыш, Казан укучылары Мактау грамоталары ияләре булдылар. Алар арасында 131 нче лицей укучылары Тимур Котляров һәм Эмиль Садыйков, 2 нче лицей-интернат укучысы Сергей Назыров бар.

Олимпиаданың региональ этабында Россиянең 86 төбәгеннән 5-8 нче сыйныф укучылары, шулай ук Казахстан, Кыргызстан һәм Таҗикстан укучылары катнашты, дип хәбәр итә ТР Мәгариф һәм фән министрлыгының матбугат хезмәте.

Шулай ук укыгыз

Барлык яңалыклар