Казан укучылары математика буенча халыкара олимпиадада җиңү яулады

Казан укучылары математика буенча халыкара олимпиадада җиңү яулады

<p> </p> <div class="detail-picture"> <img src="https://kzn.ru/upload/iblock/233/2339f2d364e312dae2d1149f0c2faf6a.jpg"> <p class="detail-picture__caption"> Фото: Денис Гордийко </p> </div> Казан укучылары Көнчыгыш дөньяның бөек фикер иясе һәм классик шагыйре Мәхтүмкүли Фрагиның тууына 300 ел тулуга багышланган халыкара математика олимпиадасында беренче өч урынны яуладылар.<br> <p> </p> <p> Ярышлар 25-30 нчы мартта Төркмәнстанда узды. Татарстан җыелма командасын Казан һәм Чаллыдан 9 нчы сыйныф укучылары тәкъдим итте. Алтын медальгә Вахитов районының 131 нче лицееннан Тимур Таҗиев һәм КФУның Лобачевский исемендәге лицееннан Михаил Краюшкин лаек булды. </p> <p> Казанның Мәскәү районы 2 нче лицей-интернаты укучысы Данил Осипов һәм Чаллы шәһәренең 26 нчы гимназиясе укучысы Камилла Мугатарова икенче урынны яуладылар. Бронза медальне Вахитов районының 131 нче лицее укучысы Глеб Чихирев алды. </p> <p> Моннан тыш, Россия җыелма командасы ярышларда беренче гомумкоманда урынын алды. «Олимпиада вакытында төрекмән халкының уникаль мәдәнияте, тарихы һәм традицияләре белән танышу мөмкинлеге булды», – дип билгеләп үттеләр ТР Мәгариф министрлыгында. </p> <p> Олимпиадада Азәрбайҗан, Болгария, Белоруссия, Иран, Казахстан, Кытай, Катар, Россия, Согуд Гарәбстаны, Таҗикстан, Төркия һәм Үзбәкстан укучылары катнашты. </p>

2024-04-03T12:18:57+0300