Казан укучылары математика буенча Бөтенроссия олимпиадасында җиңү яулады

Татарстан данын Казан һәм Яр Чаллы гомуми белем бирү оешмаларыннан 33 укучы яклады.

(Казан шәһәре KZN.RU, 30-нчы апрель). Казан укучылары математика буенча Бөтенроссия олимпиадасы җиңүчеләре һәм призерлары булды, аның йомгаклау этабы 21-27 апрель көннәрендә Пермь шәһәрендә узды. Татарстан данын Казан һәм Яр Чаллы гомуми белем бирү оешмаларыннан 33 укучы яклады. Финал ике турда үтте. Балаларга 8 мәсьәлә тәкъдим ителде.

Вахитов районының 131-нче номерлы лицееның 10 сыйныф укучысы Аркадий Андреев, Яңа Савин районының 7-нче номерлы гимназиясенең 10 сыйныф укучысы Владислав Храмов математика буенча Бөтенроссия мәктәп укучылары олимпиадасының йомгаклау этабы җиңүчеләре булдылар.

Олимпиадада Вахитов районының 131-нче номерлы лицееның 9 сыйныф укучылары Данил Сибгатуллин һәм Айдар Ибраһимов, КФУның ІТ-лицееның 9 сыйныф укучысы Виталий Курин, Вахитов районының 131-нче номерлы лицееның 7 сыйныф укучысы Ралина Йосыпова, Вахитов районының 131-нче номерлы лицееның 10 сыйныф укучысы Алексей Закиров һәм башкалар призер булдылар.

Бәйгедә Россиянең 66 төбәгеннән барлыгы 378 укучы катнашты, дип хәбәр итә ТР Мәгариф һәм фән министрлыгы матбугат хезмәте.

Шулай ук укыгыз

Барлык яңалыклар