Казан укучылары кулланучылар хокукларын яклау буенча үзләренең белемнәрен тикшерә алалар

16 сентябрьгә кадәр олимпиадага гаризалар кабул ителә.

(Казан шәһәре KZN.RU, 7-нче сентябрь). 16 сентябрьгә кадәр урта белем бирү учреждениеләре укучылары арасында кулланучылар хокукларын яклау темасы буенча олимпиадага гаризалар кабул ителә. Гаризаларны tatzpp.ru сайтында электрон формада калдырырга мөмкин.

Олимпиаданың беренче этабы 20-25 сентябрьдә узачак. Олимпиада җиңүчеләренә һәм бүләкле урыннар алучыларга, педагогларга дипломнар, грамоталар, сертификатлар һәм башка төрле бүләкләр тапшырылачак.

Билгеләп үтәргә кирәк, быел олимиада алтынчы тапкыр узачак. Елдан-ел катнашучылар саны арта: 2013 елда аларның саны 500, 2014 елда – 800, 2015 – 1800, 2016 елда 2400 булса, 2017 елда Татарстанның төрле мәктәпләрендә 8-11 класста укучы 4 меңнән артык бала гариза биргән. Узган елда Казан, Әлмәт, Яр Чаллы, Түбән Кама, Азнакай, Балык бистәсе, Югары Ослан, Лаеш һәм Тәтеш районнары укучылары актив катнашкан.

Шулай ук укыгыз

Барлык яңалыклар