Казан укучылары кинематограф һөнәрләре турындагы ачык дәрескә кушыла ала

Профориентация дәресен туры эфирда режиссер Клим Шипенко һәм продюсер Виталий Шляппо үткәрәчәк.

(Казан шәһәре KZN.RU, 12-нче февраль). 13-нче февральдә Казан укучылары кинематограф өлкәсендәге һөнәрләр турында бөтенроссия ачык дәресенә кушыла ала. Профориентация дәресен туры эфирда режиссер Клим Шипенко һәм продюсер Виталий Шляппо үткәрәчәк, алар үз заманында «Холоп» комедиясе өстендә эшләгәннәр иде.

Спикерлар уңышлы фильмны ничек төшерергә, режиссерлардан, актерлардан һәм операторлардан тыш, кино төшерү командасына кемнәр керә һәм башкалар турында сөйләячәкләр. Ачык дәреснең модераторы танылган теле- һәм радиотапшырулар алып баручы Антон Комолов булачак.

Лекция 13.00 сәгатьтә башлана. Аны «ПроеКТОриЯ» порталында туры эфирда, социаль челтәрләрдәге проект төркемнәрендә һәм белем бирү оешмаларының шәхси кабинетлары аша теләгән һәркем карый алачак. Шулай ук социаль челтәрләрдә проектның традицион активларында катнашырга мөмкин: дәрес темасы буенча белем бирү тестын яки сораштыру үтәргә кирәк.

Бөтенроссия ачык дәресләре – профессиональ навигация буенча даими онлайн-дәресләр. Чаралар 8-11 сыйныф укучыларын алдынгы индустрияләр һәм перспективалы һөнәрләр, илебез фәне һәм икътисады казанышлары белән таныштыруга юнәлдерелгән. Хәзерге вакытта ачык дәресләрне 100 млн.нан артык кеше караган, «ПроеКТОриЯ» порталында Россия мәктәпләренең 30 меңнән артык шәхси кабинеты теркәлгән, дип хәбәр итә Россия Мәгариф министрлыгының матбугат хезмәте.

Шулай ук укыгыз

Барлык яңалыклар