Казанлылар балаларына Авраам, Рәхмәт, Пантельен, Мелия исемнәре биргән

Атна эчендә Казанның Гражданнар хәле актларын теркәү бүлекләрендә 482 бала тууы теркәлгән.

(Казан шәһәре KZN.RU, 21-нче июнь). Узган атнада Казанның Гражданнар хәле актларын теркәү бүлекләрендә 482 бала тууы теркәлгән: 249 малай һәм 233 кыз.

Казанның иң яшь анасына 18 яшь булса, иң өлкәненә – 43. Иң яшь әтигә 20 яшь булса, иң өлкәненә – 53. Туган вакытта минималь һәм максималь бала авырлыгы күрсәткечләре – 500 һәм 5070 грамм.

Атна дәвамында иң еш кушылган исемнәр: Кирилл, Александр, Елизавета, Екатерина, Михаил, Эмиль, Тимур, Рамазан, Дмитрий, Ясминә. Сирәк кушылган исемнәр: Сафира, Элизабет, Элиана, Ефрем, Сильвестр, Ярослава, Моника, Авраам, Стефания, Рәхмәт, Пантельен, Нәгыйм, Мелия, Василиса.

Шушы ук чорда Гражданнар хәле актларын теркәү бүлекләрендә 197 пар никахларын рәсмиләштергән. Иң яшь кияү белән кәләшкә 18 һәм 17 яшь булса, иң өлкәннәренә – 67 һәм 60 яшь, дип хәбәр итә Казанның Гражданнар хәле актларын теркәү идарәсе.

Шулай ук укыгыз

Барлык яңалыклар