Казанда инвалид балаларның ата-аналарына шифаханә-курорт дәвалануын оештыру буенча консультация бирәләр

«Ташламалы категориядәге гражданнарны шифаханә-курорт дәвалау» семинары видеоэлемтә режимында узачак.

(Казан шәһәре KZN.RU, 21-нче июль). Казанлылар инвалид балаларның ата-аналары (законлы вәкилләре) өчен Хокукый белем мәктәбе дәресләренә кушыла ала. 24-нче июльдә видеоэлемтә режимында «Ташламалы категориядәге гражданнарны шифаханә-курорт дәвалау» семинары узачак.

Ата-аналарга дәресләрдә шифаханә-курорт дәвалануына юллама бирү тәртибе һәм шартлары, тиешле күрсәтмәләр һәм киңәшләр, социаль хезмәтләр җыелмасын күрсәтү тәртибе, хокук куллану тәҗрибәсе, бу мәсьәләләр буенча карарларга шикаять белдерү практикасы турында сөйләячәкләр.

Татарстан Республикасында Кеше хокуклары буенча вәкаләтле вәкил каршындагы Хокук белеме мәктәбе дәресләре инвалид балаларның ата-аналары (законлы вәкилләре) өчен Zoom аша 24-нче июльдә 15.00 сәгатьтән 16.00 сәгатькә кадәр узачак.

Катнашу өчен түбәндәге телефон буенча семинарга язылырга кирәк: +7(999)157-94-42. Әлеге номерга WhatsApp яки SMS-хәбәр аша тулы исем-фамилияне һәм телефон номерын җибәрергә кирәк. Шуннан соң һәр катнашучы конференциягә сылтама алачак, аңа билгеләнгән вакытта кушылырга кирәк булачак.

Моннан тыш, барлык теләүчеләр дә семинар вакытында җавап аласы килгән кыска сорауларын алдан ук җибәрә ала. Мондый сораулар түбәндәге электрон почта аша кабул ителә: Adelina.Galillina@tatar.ru, дип хәбәр итә Татарстан Республикасындагы Кеше хокуклары буенча вәкаләтле вәкил.

Шулай ук укыгыз

Барлык яңалыклар