Казан аш-су осталары Татарстанны «Иң яхшы мәктәп ашханәсе» бөтенроссия конкурсының финалында тәкъдим итәчәк

Финалга илнең 68 төбәгеннән 400 катнашучы чыккан

Фото: Мәгариф идарәсе

(Казан шәһәре KZN.RU, 10 нчы ноябрь). Казанның Совет районындагы 169 нчы мәктәбе пешекчеләре «Иң яхшы мәктәп ашханәсе» бөтенроссия конкурсының йомгаклау этабында катнаштылар. Ярышлар Владикавказда уза.

Тема буенча материаллар:

Казанда яшәүче ханым «Мәктәп ашханәсенең иң яхшы пешекчесе» бөтенроссия конкурсында көмеш медаль яулады

Конкурсның төбәк этабында Россиянең 77 төбәгеннән 25 меңнән артык мәктәп катнашты, 68 субъекттан 400 катнашучы финалга чыкты. Казан һәм Татарстан ике номинациядә тәкъдим ителде: «Миллион халыклы шәһәр мәктәбенең иң яхшы ашханәсе» һәм «Мәктәп ашханәсенең иң яхшы аш-су остасы». Соңгысында җиңү өчен 169 нчы мәктәп пешекчесе Инзилә Мәүләдова көрәшәчәк.

Йомгаклау этабында конкурсантлар берничә сынау узачак: мәктәп пешекчеләренең «Кулинар көрәш»е, «Мәктәп туклануы 3.0» тематик өстәлләр күргәзмәсе, «Ата-аналардан өч сорау» блиц-турниры һәм «Имин азык блогы» квест-практикумы.

Финалистлар шулай ук мәктәп ашханәсен үстерү концепцияләрен тәкъдим итәчәкләр, мәктәп туклануын оештыру тәҗрибәсе белән уртаклашачаклар һәм мәктәпләр өчен пешекчеләр әзерләү турында сөйләшәчәкләр.

Җиңүчене 14 нче ноябрьдә билгеләячәкләр, дип хәбәр итә ТР башкаласы Башкарма комитетының Мәгариф идарәсе.

Шулай ук укыгыз

Барлык яңалыклар