Яңалыклар
28.10.2019, 13:54
Казан укучылары Халыкара химия олимпиадасына әзерләнү өчен Россия командасы составына керде
Олимпиада 2020 елның 6-нчы июленнән 15-нче июленә кадәр Истанбулда узачак.
(Казан шәһәре KZN.RU, 28-нче октябрь). Казанның 131-нче номерлы лицее укучылары Игорь Бәширов һәм Олег Панфутов Халыкара химия олимпиадасына әзерләнү өчен Россия командасының кышкы җыенында катнашучылар составына керделәр.
РФ Мәгариф һәм фән министрлыгы укыту-тренировка җыеннарында катнашучылар составы турындагы боерыкны бастырып чыгарды, анда Россиянең төрле шәһәрләреннән 20 укучы керде. Җыен 13-24-нче ноябрьдә М.В.Ломоносов исемендәге Мәскәү дәүләт университетында узачак.
52-нче Халыкара химия олимпиадасы киләсе елның 6-нчы июленнән 15-нче июленә кадәр Истанбулда узачак. Парижда узган олимпиадада Россия җыелма командасының барлык әгъзалары да алтын медальләр яулады, дип хәбәр итә ТР Мәгариф һәм фән министрлыгы.
Шулай ук укыгыз
-
30.04.2025, 15:45 -
30.04.2025, 14:03 -
30.04.2025, 09:14 -
29.04.2025, 17:56
