Казан блогерлары Бөтенроссия халык санын алуны яктырту конкурсында катнаша ала

Гаризалар 1-нче сентябрьгә кадәр кабул ителә.

(Казан шәһәре KZN.RU, 3-нче август). Казан блогерлары һәм авторлык медиалары Бөтенроссия халык санын алуны яктырту конкурсында катнаша ала. Гаризалар 1-нче сентябрьгә кадәр кабул ителә.

Конкурстателәсә кайсы онлайн-мәйданчыкта: YouTube, «Вконтакте», «Одноклассники», Facebook, LiveJournal, Яндекс.Дзен, Instagram, Habr, Pikabu, Tik-Tok, шулай ук үз сайтында һәм лицензиясе булмаган массакүләм мәгълүмат чарасында подкаст чыгаручы яки тематик сәхифә алып баручы 18 яшькә җиткән Россия гражданнары катнаша ала. Конкурсның тематикасы киң: Россиядә һәм дөньяда халык санын алу тарихы, социаль һәм икътисади үсеш өчен исәпкә алуның әһәмияте, аерым төбәк, шәһәр, район, авыл өчен исәпкә алуның әһәмияте, алда торган халык санын алуның яңа цифрлы форматы, исәпкә алу нәтиҗәләре, аларны куллану, шулай ук авторлык темалары.

Конкурста катнашырга теләүчеләр blogs@strana2020.ru электрон почтасына гаризалар җибәрә ала, анда медиа- яки социаль челтәрләрдә проект планын тәкъдим итәргә кирәк.

Эксперт жюри проектларны 2-15 сентябрьдә караячак. Иҗади ярышларда җиңүчеләр 2020 елның 16-нчы сентябрендә strana2020.ru сайтында һәм социаль челтәрләрдә халык санын алу сәхифәләрендә игълан ителәчәк. Документлар әзерләү һәм аларны рәсмиләштерү, сайлап алынган проектларны гамәлгә ашыру өчен премияләр тапшыру 17-нче сентябрьдән 5-нче октябрьгә кадәр узачак. 6-нчы октябрьдән 3-нче декабрьгә кадәр - җиңүчеләр проектларын гамәлгә ашыру чоры. Гамәлгә ашырылган проектларны бәяләү һәм призларны тапшыру быелның декабрендә булачак, дип хәбәр итә Бөтенроссия халык санын алу медиаофисы.

Исегезгә төшерәбез, Бөтенроссия халык санын алу 2021 елның 1-нче апреленнән 30-нчы апреленә кадәр цифрлы технологияләрне кулланып узачак. Алдагы исәпкә алуның төп яңалыгы Россиядә яшәүчеләр тарафыннан дәүләт хезмәтләре порталында (gosuslugi.ru) электрон исәпкә алу кәгазен мөстәкыйль тутыру мөмкинлеге булачак. Торак йортларны карап йөргәндә исәпкә алучылар махсус программа белән тәэмин ителгән планшетлар кулланачак. Шулай ук исәпкә алу участокларында, шул исәптән «Минем документлар» дәүләт һәм муниципаль хезмәтләр күрсәтү буенча күпфункцияле үзәкләр биналарында да халык санын алуны узарга мөмкин булачак.

Шулай ук укыгыз

Барлык яңалыклар