Казан спортчысы йөзү буенча Россия чемпионы булды

Софья Дьякова ирекле стиль белән 400 метр дистанцияне 4 минут 7 секундта узды.

Фото: Бөтенроссия йөзү федерациясе

(Казан шәһәре KZN.RU, 20 нче апрель). «Дельта» олимпия резервы спорт мәктәбе тәрбияләнүчесе Софья Дьякова Казанда йөзү буенча Россия чемпионатында җиңү яулады.

Ирекле стиль белән 400 метрга йөзүне спортчы 4 минут 7 секундта тәмамлый. Бу илнең яңа яшүсмерләр рекорды. Кыз көндәшен 0,24 секундка узган, дип хәбәр итә Физик культура һәм спорт комитеты.

Йөзү буенча Россия чемпионаты Казанның Су спорт төрләре сараенда уза һәм иртәгә, 21 нче апрельдә тәмамланачак. Ярышлар Белоруссия, Казахстан, Черногория, Көньяк Осетия, Нигерия, Таҗикстан һәм Россиядән 670 тән артык спортчыны берләштерде.

Шулай ук укыгыз

Барлык яңалыклар