Казанның 23-нче мәктәбе - Бөтенроссия конкурсының бронза призеры

Казанның 23-нче мәктәбе - Бөтенроссия конкурсының бронза призеры

<p> (Казан шәһәре KZN.RU, 6-нчы декабрь). Казанның Яңа Савин районындагы аерым фәннәрне тирәнтен өйрәнү 23-нче татар-рус мәктәбе "Уңышлы мәктәп" Бөтенроссия конкурсының бронза призеры булды.<br> </p> <p> Бәйгедә катнашырга Россиянең 56 төбәгеннән 3 мең команда теләк белдергән. Читтән торып уздырылган этапта катнашуга кертелгән 290 эшнең 15-е сайлап алынды, алар арасына Казанның 23-нче мәктәбе дә керде. </p> <p> Конкурсның турыдан-туры этабы 25-28 ноябрьдә Мәскәүдә узды. Казан мәктәбе командасы үз тәҗрибәсеннән бурычны куя белү – белем бирү оешмасының уңышлы булуына ирешү, шулай ук аны гамәлгә ашыру технологиясен күрсәтә торган кейс тәкъдим итте. </p> <p> "Уңышлы мәктәп" Бөтенроссия конкурсы "Учительская газета" нәшрият йорты" ЯАҖ тарафыннан Россия Федерациясе Федераль Собраниесе Дәүләт Думасының Мәгариф һәм фән комитеты, Россия Федерациясе Федераль Собраниесе Федерация Советының фән, мәгариф һәм мәдәният комитеты һәм Стратегик инициативалар агентлыгы катнашында оештырылды. </p>

2018-12-06T12:20:34+0300