Казан ноябрь ял көннәрендә балалар белән ял итү өчен популяр шәһәрләр арасына керде

Казан ноябрь ял көннәрендә балалар белән ял итү өчен популяр шәһәрләр арасына керде

<p> (Казан шәһәре KZN.RU, 31-нче октябрь). Казан ноябрь ял көннәрендә балалар белән ял итү өчен Россиянең иң популяр 3 шәһәре арасына керде. Татарстан башкаласын Санкт-Петербург һәм Мәскәү генә узган.<br> </p> <p> <a href="http://Tvil.ru">Tvil.ru</a> торак броньлау сервисы мәгълүматлары буенча, туристлар ноябрь бәйрәмнәренә Казанга уртача 3,5 төнгә торак броньлыйлар һәм моның өчен тәүлеккә 2 мең сумга кадәр тотачаклар. </p> <p> Казан белән бергә Халыклар берлеге көнендә гаилә белән сәяхәт итү өчен Россиянең популяр биш шәһәре арасында Санкт-Петербург, Мәскәү, Петрозаводск һәм Краснодар бар. Татарстан башкаласы әлеге рейтингта өченче урында урнашкан. </p> <p> Курортта ял итүгә килгәндә, туристлар ноябрь башында Сочи, Ялта һәм Кисловодскига баруны хуп күрә. </p>

2018-10-31T10:09:15+0300