Казан «Тоталь диктант - 2020» башкаласы исеменә дәгъва кылган конкурс финалистлары бишлегенә керде

Конкурсның финалы 2020 елның 1-нче февралендә Мәскәүдә узачак.

(Казан шәһәре KZN.RU, 22-нче ноябрь). «Тоталь диктант - 2020» башкаласы исеме өчен читтән торып тавыш бирү этабы тәмамланды. Казан Нукус (Үзбәкстан) һәм Санкт-Петербургтан гына калышып, өченче урынга чыкты.

Нукус конкурсның читтән торып үткәрелгән этабы нәтиҗәләре буенча 6985 тавыш, Санкт-Петербург – 3564 тавыш җыйды. Өченче урынны алган Казан өчен 3403 кеше тавыш бирде. Шулай ук лидерлар бишлегенә Тамбов (3373 тавыш) һәм Вологда (3325 тавыш) кергән.

Конкурсның финалы 2020 елның 1-нче февралендә Мәскәүдә узачак. Текст авторы бөтендөнья акциясенең төп мәйданчыгында диктант уку өчен җиңүче шәһәргә киләчәк.

Исегезгә төшерәбез, киләсе елда «Тоталь диктант» акциясе 4-нче апрельдә узачак. Теләге булган һәркем аңа кушыла һәм шул рәвешле үз белемнәрен тикшерә ала. Быел диктантны дөньяның 68 иленең 800-дән артык шәһәрендә язганнар, анда 250 меңнән артык кеше катнашкан. Татарстанда акцияне республиканың барлык шәһәрләрендә 50 төрле мәйданчыкта үткәрделәр.

Шулай ук укыгыз

Барлык яңалыклар